Ю.П. Степанов аатынан Өрөспүүбүлүкэтээҕи инбэлииттэри реабилитациялыыр социальнай-чэбдигирдэр кэлим кииҥҥэ анал байыаннай дьайыы кыттыылаахтарын уонна кинилэр дьиэ кэргэттэрин чилиэттэрин комплекснай реабилитациялара салҕанар. Бу туһунан брифиҥҥэ киин дириэктэрэ Асида Алексеева иһитиннэрдэ.
«Буойуттар уонна кинилэр дьиэ кэргэттэрин санааларын көтөҕөр, бөҕөргөтөр сыалтан Арчы Дьиэтигэр алгыс сиэрин-туомун ыытыы салҕанар», – диэн Асида Алексеева кэпсээтэ.
Ону тэҥэ реабилитационнай киин үлэһиттэрэ СВО кыттыылаахтарыгар уонна кини дьиэ кэргэттэригэр араас биэдимэстибэлэри уонна тэриллиилэри кытта консультацияны ыыталлар. Дириэктэр дааннайынан, кииҥҥэ 79 көрсүһүү ыытыллыбыт.
